Հարգելի պարոն Տարոն Մարգարյան
Ավան առինջ թաղամասի N 5, 32, 15 երթուղային տաքսիներն այսօր ամբողջովին ծառայում են քաղաքապետի աներորդուն, այսինքն այսօրվա ընտրությունները մեր քաղաքացիներին զրկել են քաղաքային տրանսպորտի ծառայություններից: Նույնն է նաև Միլենա, Էլենա, Z տաքսի ծառայություններ պարագայում:
Ո՞վ է պատասխանատվություն կրում այս անօրինականության համար, եթե ոչ՝ քաղաքապետարանի համապատասխան կառույցն ու անձամբ քաղաքապետը, նամանավանդ, որ մեր քաղաքացիները այսօրվա տրանսպորտային զրկանքները կրում են քաղաքապետի աներորդու պատճառով: Անարդար ու անհավասար պայքար է ընթանում թ. 1 ընտրատարածքում՝ նախագահական ընտրությունների շեմին: