Դեկտեմբերի 10-ին, ժամը 20.30-ին տեղեկություն է ստացվել, որ Գետափ-Մարտունի Ճանապարհի 8-րդ կմ-ում տեղի է ունեցել ճանապարհատրանսպորտային պատահար. անհրաժեշտ է փրկարարների օգնությունը:
Դեպքի վայր է մեկնել մարզային փրկարարական վարչության փրկարար ջոկատը:
Պարզվել է,որ դեռևս չբացահայտված հանգամանքներում «MERSEDES S600» մակնիշի 34 ST 452 պետհամարանիշի ավտոմեքենան, դուրս է եկել ճանապարհի երթևեկելի մասից և ընկել Եղեգիս գետը: Մինչ փրկարարների կանչի վայր հասնելը, վարորդ 1984 թ. Արման Մկրտչյանը տեղափոխվել է Եղեգնաձոր քաղաքի բժշկական կենտրոն:
Ըստ բժիշկների` տուժածի առողջական վիճակը գնահատվել է բավարար: