Արարատի նախկին մարզպետ Վարդգես Հովակիմյանի դեմ, ինչպես հայտնի է, գործ է հարուցվել, և հիմա վերջինս կանգնած է դատարանի առաջ` մեղադրվելով պաշտոնեական դիրքը չարաշահելու, կեղծիքի և անփութության մեջ: Օրերս նա դատարանում` հերթական դատական նիստի ավարտին, հայտարարել է, որ ճիշտ կլինի, եթե վերանորոգումների համար մարզպետարանին 2007թ. հատկացված 400 միլիոն դրամը ևս մանրադիտակային ստուգման ենթարկվի, քանի որ, ըստ նրա, գումարի համեմատ չնչին աշխատանք է կատարվել: