Օրեր առաջ Արարատի նախկին մարզպետ Վարդգես Հովակիմյանը դատարանում հայտարարել էր, որ ճիշտ կլինի, եթե վերանորոգումների համար մարզպետարանին 2007թ. հատկացված 400 մլն. դրամը նույնպես մանրադիտակային ստուգման ենթարկվի, քանի որ, ըստ նրա, գումարի համեմատ շատ չնչին աշխատանք է կատարվել: Վ. Հովակիմյանը նաև հայտարարել էր. «Արարատի նախկին մարզպետներից Ալիկ Սարգսյանը գրպանել է 2007թ. մարզպետարանի վերանորոգմանը հատկացված գումարն ու ուղղել Արտաշատ քաղաքի կենտրոնում գործող և Ա. Սարգսյանին պատկանող «Նոր Արտաշատ» ռեստորանային համալիրի կառուցմանը: Ես աշխատում եմ իրականությունը «ջրի երես» հանելու ուղղությամբ», գրում է «Չորրորդ ինքնիշխանությունը»: